Пахта · Субсидия
Субсидия: имтиёзли кредитни муддатидан олдин қайтарганларга фоиз қайтариш
Имтиёзли кредитни ҳосил йили якунига қадар тўлиқ қайтарган пахта етиштирувчиларга тўланган фоизнинг бир қисми субсидия сифатида қайтарилади.
Шартлар
Ставкалар қарз олувчи тўлайдиган миқдорда кўрсатилган — банк маржаси шу ичида. Якуний шартлар тижорат банки билан тузиладиган шартномада белгиланади.
Ҳосил йилининг 31-декабрига қадар (муддатидан олдин) сўндирилган
Фермер хўжаликлари- Улуш
- 5%
Фоиз тўловларининг 5 фоиз қисми қайтарилади.
Ҳосил йилидан кейинги йилнинг 1-апрелига қадар (ўз муддатида) сўндирилган
Фермер хўжаликлари- Улуш
- 2,5%
Фоиз тўловларининг 2,5 фоиз қисми қайтарилади.
Қандай ишлайди
Аризани имтиёзли кредит берган тижорат банкининг Бош офиси «Subsidiya.imv.uz» портали орқали топширади. Кредит ёки фоиз тўлиқ тўланмаган, қарздорлик мавжуд ёки маълумотлар мос келмаганда рад этилади.
Шу дастур бўйича саволлар
Кимлар фоиз субсидиясини олиши мумкин?
Имтиёзли кредитни ҳосил йили якунига қадар тўлиқ қайтарган пахта етиштирувчи қишлоқ хўжалиги субектлари.
Кимлар ушбу субсидиядан фойдалана олмайди?
Пахта-тўқимачилик кластерлари ва тўқимачилик корхоналари.
Субсидия нима учун берилади?
Имтиёзли кредит бўйича тўланган фоиз тўловларининг бир қисмини қайтариш учун.
Субсидия миқдори қанча?
Ҳосил йилининг 31 декабрига қадар (муддатидан олдин) сўндирилган имтиёзли кредитлар бўйича фоиз тўловларининг 5 фоиз қисми. Ҳосил йилидан кейинги йилнинг 1 апрелига қадар (ўз муддатида) сўндирилган имтиёзли кредитлар бўйича фоиз тўловларининг 2,5 фоиз қисми
Кредит қачонгача тўлиқ қайтарилиши керак?
Ҳосил йилининг 31 декабрига қадар (муддатидан олдин сўндирилганда кредит фоизи учун 5% субсидия берилади). Ҳосил йилидан кейинги йилнинг 1 апрелига қадар (ўз муддатида сўндирилганда кредит фоизи учун 2,5% субсидия берилади).
Субсидия учун ким ариза беради?
Имтиёзли кредит берган тижорат банкининг Бош офиси Қишлоқ хўжалиги вазирлиги ҳузуридаги Тўловлар агентлигига «Subsidiya.imv.uz» портали орқали ариза топширади.
Ариза қаерга юборилади?
Қишлоқ хўжалиги вазирлиги ҳузуридаги Тўловлар агентлигига «Subsidiya.imv.uz» портали орқали тижорат банкларининг Бош офислари томонидан ариза қолдирилади.
Субсидия қачон тўлаб берилади?
Ариза тасдиқлангандан кейин 5 иш куни ичида.